Түркістан соты «Сарыағаш-информ» газетінің бас редакторы Амангелді Батырбековті «Жала жабу» бабы бойынша кінәлі деп танып, 20 тәулікке қамаған. Журналистің өзі сот үкімімен келіспейді. Ол апелляциялық шағым түсірмек.
Амангелді Батырбековтің үстінен депутат Болатбек Нәжметдинұлы арыз жазған.
Батырбеков 2023 жылы наурызда «Сыбайластық па не бұл?» деген тақырыпта Facebook-та жазба жариялаған. Жазбада журналист «алаяқтық дерегімен басталған қылмыстық іс бойынша Болатбек Нәжметдинұлы күдікті болып танылған» деп жазған. Депутаттың сотқа жүгінуіне осы сөйлем себеп болған.
Амангелді Батырбеков журналистік қызметіне байланысты бірнеше рет істі болған. 2022 жылы оны жергілікті экс-шенеунік Бауыржан Майриховтың тапсырысымен өлтірмекші де болған.
