Жаңаөзен әкімдігі алдында тұрақты жұмыс талап етіп тұрған 20-дан астам адамды полиция ұстап, кейін қайта босатты. Бұл жөнінде Азаттық радиосы хабарлады.
– Менімен бірге екі адамды ұстап, екінші тірек пунктіне апарды. Түсініктеме жазғызды. Сосын босатып жіберді, – деген аты-жөнін атағысы келмеген тұрғындардың бірі.
Оның сөзіне қарағанда, жұмыссыз азаматтар 10 мамырда түстен кейін әкімдік алдына қайта жиналған. Бұған дейін әлеуметтік желіде әкімдік алдына арнайы жасақ пен полиция қызметкерлерінің келгені жөнінде видео тараған еді.
